個個女仔都想白白滑滑架啦~ 由其係夏天無理由著長袖衫褲架嗎!!
唔知你地試過幾多種脫毛方法呢?
由細都大係毛孩嘅我就用過好多種唔同嘅方法啦~
記得細細個小學五六年班嗰陣咩都唔識見自己著短袖衫褲成手腳都係毛毛就好低能咁揾鉸剪去剪…
到升到中學就開始用剃到同各種唔同嘅脫毛膏, 大左當然就想試下彩光同激光脫毛
自己亦試過唔同美容公司嘅脫毛, 當中當然有d彩光扮激光完全無感覺…
試過做脫毛前比d所謂嘅美容用剃刀亂剃返到屋企沖涼時真係救命囉原來表樣剃傷晒痛到阿媽都唔認得>_<
亦有好多為左減低熱力同痛楚好原始咁先用冰同你敷到庳庳地先開始進行...
最重要係攪左咁多野我d毛毛都重係係度先煩...所以今次決定去一間較大型嘅激光脫毛希望攪掂佢!!!!
今次黎到MediLASE今年2月先開幕嘅銅鑼灣金朝陽中心, 地方唔難揾係銅鑼灣時代廣場過對面路就係~ 去到第一個感覺地方好大白雪雪好乾淨好舒服~
MediLASE由美國權威激光脫毛科技供應商CANDELA 及HEALTHOLOGY
BIOSCIENCES聯手成立, 為CANDELA於本港唯一授權的GentleLase 755nm激光脫毛中心。CANDELA為全球首部755nm激光儀器生產商，並獲得Dynamic Cooling Device™動態冷卻系統的全球專利.
入到去做好登記, 就有職員詳細講解Candela GentleLase Pro 755nm激光脫毛同一般出面其他脫毛中心或美容院嘅分別同成個程序.
原來Candela GentleLase Pro 755nm激光脫毛有Dynamic Cooling Device 專利動態冷卻系統，係激光發射前噴發零下20度霧化冷凍劑，即時冷凍及鎖靜肌膚. 而且755nm比810nm波長的激光更易被毛髮黑色素吸收
入到去連房間都係白雪雪好舒服好relax ~
好啦~ 戲肉黎啦!! 我今次脫嘅係下手臂~
首先由光學治療師同我消毒再畫上格格, 格格係用黎方便光學治療師按格仔區域嘅毛毛去打咁就唔會打多又唔會打少同亂咁打^^
進行激光脫毛之前，先戴上眼罩.
係黑蚊蚊嘅情況下光學治療師會先係我手臂位打一下霧化冷凍劑, 等我感受下霧化冷凍劑打落皮膚嘅感覺. 之後再打一下霧化冷凍劑加激光嘅感覺，比我感覺激光嘅痛楚感.
話唔痛就真係扼大家, 不過放心唔係好痛就好似用橡筋輕輕彈左一下咁~
頭先講過Candela
GentleLase Pro 755nm激光脫毛有Dynamic Cooling Device 專利動態冷卻系統，係激光發射前噴發零下20度霧化冷凍劑，即時冷凍及鎖靜肌膚.
哈哈其實最初聽完都唔知咩黎, 原來就係比橡筋輕輕彈左一下(打激光)嘅同時有一下凍冰冰好似有d水咁噴一下出黎涼陣陣感覺好爽!!
MediLASE重係全港唯一引入GentleLase
Pro™ LE 24mm有最新 24mm放射機頭，所以話咁快2隻15分鐘度就打完~
過程當中治療師耐唔耐就問我痛唔痛真係覺得好窩心, 同治療師傾計先知原來MediLASE嘅光學治療師每一個都都有由CANDELA考核及發出嘅「GentleLASE光學治療師」專業資格, 原來打毛毛都唔係咁易做好專業架!!
完成之後就由治療師幫我搽上保濕潤膚嘅啫喱~
MediLASE 令我重新對激光脫毛嘅感覺完全改變~
PS: 我真係好鐘意MediLASE銅鑼灣金朝陽中心分店嘅設備,
有櫃位放私人物件, 又有香薰令人放鬆, 最重要有化妝間可以執返個靚樣先走~
Fung Fung 發住咁多嗡 "Fung" 先~
以上內容只屬個人感受
產品贊助及提供:
MediLASE
Contact: iamfungfung@yahoo.com.hk
歡迎邀約合作試用及出席活動
沒有留言:
張貼留言